الوظيفة عرض خادع
مجرد ما أدركت هذه الحقيقة ستتغير حياتك
كلنا بنفكر دايما في ترك الوظيفة وتقديم الاستقالة، لكننا بناخد مسكنات أو بعد الأجازات وهقولك دلوقتي على أهم 10 أسباب تخليك تستقيل فوراً وتبدأ تعيش حياتك .
1- لما مايكونش عندك اللي تقدمه للشغل
لا جديد بسبب الروتين الممل ومش قادر تخرج طاقتك الإبداعية والشغل كمان مش بيضيف ليك
2- إذا مافيش تقدير لجهودك
إذا كانت ثقافة صاحب الشغل الغبي أحيانا لاتقدر الجهود المبذولة منك فأخرج من دايرة النظام الإداري العقيم دا ودور على شغل غيره يقدر جهودك
3- بيئة العمل سامة
ماتحاولش تنظف الزريبة أبداً لأنك هتتوسخ وهتزعل البهايم دا مثل صحيح 100% و إذا لقيت الشركة مليانة عصافير أو لقيت الترقية للأفشل أو تكتلات عصابية وإهمال في المتابعة من الإدارة أهررب
4- تشتغل كثير وتكسب أقل
المصيبة إنك كل ماهتكون أكفأ كل ماهتشيل شغل أكثر والإعتماد عليك هيزيد لحد ماتحترق وظيفياً تماما ويتم تدميرك وساعتها هيتم التعامل معاك بشكل صارم لأنك موظف متخاذل وبتتأخر عن شغل وبتتأخر في تسليم التاسكات ووو
5- لا تندمج مع ثقافة الشركة
الحقيقة إن مش كل بيئة عمل تصلح للجميع فيه ناس تحب النميمة والتتبع للأخبار والشللية والتهريج والروتين الممل وماعندهاش أي رسالة في الحياة غير أنها تاكل وتشرب وتنام وتأذي
6- الأمور في الشغل شخصية
مافيش شغل من غير مشاكل بس أحيانا بعض المديرين بيشخصنها مع الموظف وعنده عقد وكلاكيع نفسية
7- الشغل دايما مستعجل وضروري
تنزل شغل وقت الأجازات ويتطلب منك شغل 12 بليل ولازم الصبح يبقى جاهز عشان وفد الأنتركتيكا جاي يزور الشركة البهية كل دا نتيجة واضحة لعدم وجود خطة
8- إذا مافيش مستقبل مضيء مع الشركة
الشركات اللي بتهدد موظفيها بالرفد والفصل شركات مجرمة وقد وضعت المملكة العربية السعودية والإمارات العربية المتحدة التصرف دا كنوع من جرائم الإتجار بالبشر
9- مصاريف المواصلات عالية
إذا شركتك بعيدة عليك أو غيرت مكانها وفجأة لقيت نفسك بتدفع نص مرتبك مواصلات
10- شركة شغالة بالطريقة الثالثة
موظف لكن في نفس الوقت صاحب شركة ولك نسبة من الأرباح وهتأمن لك أساسياتك وهتغير من حياتك خليك عارف أن الشركات دي هتكون كتير في المستقبل لأن إدارة الأذكياء مش حاجة سهلة
الأسباب الـ 10 السابقة
كلها أسباب لا يمكن التفكير فيها مرتين عشان تمشي وتشتري حياتك ونفسك وراحتك النفسية وتحقق ذاتك ويكون لك قيمة حقيقية في العالم وفي النهاية بقولك ماتقبلش تاخد عرض وظيفي خادع
قلي في الكومنتات
في كم سبب منهم موجود في شركتك ؟
