حاسس بقلق بشكل دائم وخايف من المستقبل..
ممكن تكون عندك “رهاب المجهول Metathesiophobia”
الخوف يستنزف قوتنا وصحتنا الجسدية والنفسية يعني الرضا بالمرض أحيانا بيكون أفضل من المشقة النفسية للخروج من دايرة الخوف.
الخوف من غد خوف سببه الديني الاساسي ضعف الايمان بربنا وسببه في الدنيا نقص في المعلومات عن وضعك أو موقفك وغالباً بسبب عدم وجود خطة وأنت عشان تقدر تغير من وضعك لازم تعرف إن “المجهول” هو جزء من التجربة الإنسانية وإن فيه ناس بتزدهر أيامهم بعد الأوقات المضطربة، وناس تانية بيبقى عندها شلل عاطفي يعني بيفضلوا يحبوا سبب مرضهم ويفضلوا في وضعهم بدون أي تخطيط للتغيير..
جسمنا بيتفاعل مع الأمور وبيحصلنا تغييرات في نشاط الدماغ، وإفراز الأنسولين الكورتيزول، وارتفاع ضغط الدم، وإطلاق الأدرينالين. ولما دا بيحصل بنلاقي نفسنا بنعاني من أعراض على جسمنا زي العرق الزايد أو العرق في راحة اليد أو دقات قلب سريعة وبالمناسبة دا نفس الخوف اللي بيحصل في الحب لأنه نابع من الخوف من رد الفعل كمان ممكن ناس يجيلها صعوبة أو ضيق في التنفس خصوصا البنات أو ناس يحسوا بقشعريرة في جسمهم لكن الغالب بيتفاعل دايما مع المواقف المجهولة من المديرين على شكل ألم أو ضيق في الصدر، توتر ، وجع بطن ، إحساس بالاختناق، احساس بالصداع وعشن كدا أغلب الموظفين بياخدوا أدوية صداع وسبب انتشار أمراض زي الضغط والسكر بسبب القلق والخوف.
كلنا ممكن نخاف من المجهول أو مر علينا موقف أو فترة في حياتنا حسينا بالخوف من المجهول عشاننا أوعشان غيرنا ودا بيأثر على جودة حياة الشخص المصاب بشكل كامل و الخوف المبالغ فيه من المجهول بيتطور خلال حياتك ويخلي عندك عادة “التهويل” أو “التشويه المعرفي” وهي عادة بنتخيل أسوأ السيناريوهات لأن طريقتنا في التفكير بتكون رؤية غير دقيقة للواقع بسبب غياب المعلومة عن بكرة.
إنك تبطل تحاول تفكر في الأمور الخارج نطاق سيطرتك.إنك تركز على الحاجات اللي تقدر تتحكم فيها وتسيطر عليها.إنك تجرب حاجة جديدة وتتعلم حاجة جديدةوالأهم إنك تقلل من متابعة الأخبار خصوصاً قبل النوم.
بكرة جاي جاي والخوف مش هيغير حاجة من اللي هتحصل اطمن وفي الطريقة الثالثة طريقة الإدارة الجديدة اللي بيشارك الموظفين فيها شركاتهم ويحققوا معاهم أفضل الإنجازات وبيختفي من حياتهم خوفهم من بكرة عشان كدا بيتحركوا بكل شجاعة داخل السوق ودا اللي مش هيقدر عليه بقية الشركات اللي مليانة موظفين شبعوا خوف وأدمنوه وانهزموا من زمان.
الموظفين أهم عنصر في منظومة العمل.
وصحتهم النفسية أكبر سبب لريادة السوق.
